நீதிபதி குரியன் ஜோசப் குழுவிற்கு ஒத்துழைப்பு தாருங்கள் உண்மையான கூட்டாட்சி அமைய ஒன்றுபட்டுக் குரல் கொடுப்போம்!
சென்னை, ஆக. 29 - ஒன்றிய - மாநில உறவுகளை வலுப் படுத்துவது குறித்து ஆராய்ந்து அறிக்கை அளித்திடும் வகை யில், உச்ச நீதிமன்றத்தின் ஓய்வு பெற்ற நீதிபதி குரியன் ஜோசப் தலைமையில் அமைக்கப்பட்டுள்ள குழுவிற்கு ஒத்துழைப்பு வழங்கு மாறு, பல்வேறு மாநிலங்களின் முதல்வர்களுக்கு தமிழ்நாடு முத லமைச்சர் மு.க. ஸ்டாலின் வேண்டு கோள் விடுத்துள்ளார். இதுதொடர்பாக வெள்ளிக்கிழ மை ( ஆக.29) அன்று மாநில முத லமைச்சர்கள் மற்றும் பல்வேறு கட்சித் தலைவர்களுக்கு கடிதம் ஒன்றையும் முதலமைச்சர் மு.க. ஸ்டாலின் எழுதியுள்ளார். இந்த கடிதத்தில், “ஒன்றிய - மாநில அதிகாரங்களை மறுபரி சீலனை செய்து உண்மையான கூட்டாட்சியை வலுப்படுத்தும் எதிர் காலக் கட்டமைப்பை உருவாக்கு வது காலத்தின் கட்டாயம்” என்று வலியுறுத்தியுள்ளார். “இந்த முயற்சியில் அரசியல் மற்றும் கட்சி வேறுபாடுகளுக்கு அப்பாற்பட்டு அனைவரும் இணை ந்து எதிர்கால சந்ததியினருக்கு வலுவான, ஒன்றுபட்ட மற்றும் உண்மையான கூட்டாட்சியை அடிப்படையாகக் கொண்ட ஒரு ஒன்றியத்தை வழங்க வேண்டும்” என்று கேட்டுக்கொண்டுள்ளார். அரசமைப்பின் வரலாற்றுப் பின்னணி முதலமைச்சர் ஸ்டாலின் தனது கடிதத்தில், 1935-ஆம் ஆண்டு இந்திய அரசுச் சட்டத்திலிருந்து குறிப்பிடத்தக்க வகையில் வடி வமைக்கப்பட்ட இந்திய அர சமைப்பானது ஒன்றியத்திற்கும் மாநிலங்களுக்கும் இடையில் சிறந்ததொரு அதிகார சமநிலை யுடன் கூடிய கூட்டாட்சி கட்டமைப்பி னை உருவாக்கியது என்று குறிப் பிட்டுள்ளார். இருப்பினும், பல ஆண்டுகளாக இந்த சமநிலை தொடர்ந்து மாற்றப்பட்டு வரு வதாகவும், வலுவான ஒன்றியமும் வலுவான மாநிலங்களும் முர ண்பட்டிருக்காமல், ஒன்றை யொன்று சார்ந்து, ஒவ்வொன்றும் மற்றவற்றின் வளர்ச்சிக்கு உறுதுணையாக இருக்க வேண்டும் என்று வலியுறுத்தியுள்ளார். மேலும், 1967-ஆம் ஆண்டில் அன்புக்குரிய தலைவரும் அப்போதைய தமிழ்நாட்டின் முதலமைச்சருமான சி.என். அண்ணாதுரையின் முக்கிய மான கருத்துக்கள் மேற்கோள் காட்டப்பட்டுள்ளன. அதில், “இந்தியாவின் இறையாண்மை யையும் ஒருமைப்பாட்டையும் பாது காக்கும் அளவுக்கு ஒன்றியம் வலு வாக இருக்க வேண்டும் என்று நான் விரும்புகிறேன். இந்த நாட்டின் பாதுகாப்பிற்கு ஒன்றியத்தைப் பொறுப்பேற்கச் செய்யத் தேவை யான அனைத்து அதிகாரங்களும் ஒன்றியத்திடம் இருக்க வேண்டும்” என்று அண்ணாதுரை கூறியுள்ளார். அதே நேரத்தில், “பாகிஸ்தானி யர்களிடமிருந்தோ அல்லது சீனர் களிடமிருந்தோ இந்தியாவைப் பாதுகாக்க, ஒன்றிய அரசு இங்கு ஒரு சுகாதாரத் துறையை வைத்திருக்க வேண்டும் என்று அர்த்தமல்ல. அது எந்த வகையில் இந்தியாவின் இறையாண்மையை வலுப்படுத்துகிறது? ஒன்றிய அரசி டம் கல்வித் துறை இருக்க வேண்டு மா? அங்குள்ள ராணுவ வீரர்களின் போர்த்திறனை அது எந்த வகை யில் மேம்படுத்துகிறது?” என்றும் அண்ணாதுரை கேள்வி எழுப்பி யிருந்தார். இந்த வாதம் ஒன்றி யத்தின் அதிகாரங்கள் பாதுகாப்பு மற்றும் அத்தியாவசிய விஷயங் களுக்கு மட்டுமானதாக குறைக்கப் பட வேண்டும் என்ற கருத்தை வெளிப்படுத்துகிறது. ராஜமன்னார் குழுவின் மைல்கல் முதலமைச்சர் ஸ்டாலின் தனது கடிதத்தில், திமுக தலைவராக இருந்த கலைஞர் மு. கருணாநிதி, “மாநிலங்களுக்கு சுயாட்சி, ஒன்றி யத்தில் கூட்டாட்சி” என்ற கொள்கை யைத் தொடர்ந்து ஆதரித்தார் என்று குறிப்பிட்டுள்ளார். “1969-ஆம் ஆண்டு கருணாநிதி முதலமைச்ச ராக இருந்தபோது, ஒன்றிய-மாநில உறவுகள் குறித்து ஆராய்ந்து அறிக்கை அளித்திட நீதிபதி பி.வி. ராஜமன்னார் தலைமையில் முதல் குழுவை அமைத்தார். 1971-ஆம் ஆண்டு இந்தக் குழு அளித்த அறிக்கை, இந்தியாவில் கூட்டாட்சி குறித்த விவாதங்களை வடிவமை ப்பதில் ஒரு மைல் கல்லாக அமைந்தது. 1974-ஆம் ஆண்டு, தமிழ் நாடு சட்டமன்றம் ராஜமன்னார் குழு வின் பரிந்துரைகளை ஏற்றுக் கொண்டு, உண்மையான கூட்டா ட்சி அமைப்புக்கு வழிவகுக்கும் வகையில் அரசமைப்பைத் திருத்து மாறு ஒன்றிய அரசை வலியுறுத்திஒரு வரலாற்றுச் சிறப்புமிக்க தீர்மானத்தை நிறைவேற்றியது. தற்போதைய சூழலும் சவால்களும் பின்னர், ஒன்றிய அரசு சர்க்காரியா கமிஷன் (1983-1988) மற்றும் புஞ்சி கமிஷன் (2007-2010) ஆகியவற்றை அமைத்தது. இவை இரண்டும் அதிகாரப் பகிர்வு குறித்து விரிவான முறையில் ஆராய்ந்தன என்றாலும், அவற்றின் பரிந்துரைகள் உண்மையான, சமநிலையான கூட்டாட்சிக் கட்டமைப்பை ஏற்படுத்துவதற்கு உதவிடவில்லை” என்று குறிப்பிட்டுள்ளார். இதற்கிடையில், “தொடர்ச்சியான அரசியல மைப்பு திருத்தங்கள், யூனியன் சட்டங்கள் மற்றும் ஒன்றியத்தின் கொள்கைகள், அதிகார சம நிலையை ஒன்றிய அரசுக்குச் சாதகமாக படிப்படி யாக சாய்த்துள்ளன” என்று சுட்டிக்காட்டியுள் ளார். “ஒன்றிய அரசில் உள்ள பெரிய அமைச்ச கங்கள் மாநிலங்கள் செயல்பாடுகளில் தலை யிட்டு, நிதிக் குழு அளிக்கும் மானியங்களுக் கான நிபந்தனைகள், ஒன்றிய நிதியுதவி திட்டங் களுக்கான ஒரே மாதிரியான வழிகாட்டுதல்கள், பணி வாரியாக கட்டாய ஒப்புதல்கள் மற்றும் திட்டங்களைச் செயல்படுத்தும் போது அவற்றின் ஒவ்வொரு கட்டத்திலும் தொடர் கண்காணிப்பு போன்றவற்றின் மூலம் மாநில முன்னுரிமை களுக்கு பாதிப்புகளை ஏற்படுத்துகின்றன அல்லது ஆணைகளை வெளியிடுகின்றன” என்று வருத்தத்துடன் தெரிவித்துள்ளார். உயர்நிலைக் குழு அமைப்பு இந்த நோக்கத்தின் அடிப்படையில், ஒன்றிய - மாநில உறவுகள் குறித்து ஆராய்ந்து அறிக்கை அளித்திட, தமிழ்நாடு அரசு ஒரு உயர்நிலைக் குழுவை அமைத்துள்ளது. ஓய்வு பெற்ற உச்சநீதிமன்ற நீதிபதி குரியன் ஜோசப்பைத் தலைவராகக் கொண்டும், ஓய்வுபெற்ற ஐ.ஏ.எஸ். அதிகாரி கே. அசோக் வர்தன் ஷெட்டி மற்றும் முன்னாள் திட்டக்குழு துணைத் தலைவர் பேராசிரியர் மு. நாகநாதன் ஆகியோர்களை உறுப்பினர்களாகக் கொண்டும் இந்தக் குழு அமைக்கப்பட்டுள்ளது. இக்குழுவின் பணி செம்மையுற அமையும் வகையில், அனைத்து மாநிலங்கள் மற்றும் யூனியன் பிரதேசங்களின் பரிசீலிக்கப்பட்ட கருத்துக்களைப் பெறுவதற்கு ஏதுவாக, ஒரு கேள்வித்தாளை இக்குழு தயாரித்துள்ளது. இம்மாதம் 23 அன்று, ஒன்றிய-மாநில உறவுகள் குறித்த தேசிய கருத்தரங்கில், உயர்நிலைக் குழுவின் இணையதளத்தினை முதலமைச்சர் ஸ்டாலின் தொடங்கி வைத்து, இணையவழி வினாத்தாள் படிவத்தினை வெளி யிட்டுள்ளார். இந்த வினாத்தாளை hlcusr.tn.gov.in என்ற இணையதளத்தில் காண முடியும். எதிர்பார்ப்பு முதலமைச்சர் ஸ்டாலின், மற்ற மாநில முதல் வர்களையும் பல்வேறு கட்சித் தலைவர்களை யும் இந்த விஷயத்தில் கவனம் செலுத்தி, உயர்நிலைக் குழுவின் வினாத்தாளை ஆராய்ந்து விரிவான பதில்களை வழங்க வேண்டும் என்று கேட்டுக் கொண்டுள்ளார். அனைத்து மாநிலங்களின் ஒட்டுமொத்த விருப்ப த்தைப் பிரதிபலிக்கும் ஒரு ஆவணத்தை வடிவமைப்பதிலும், நமது நாட்டின் கூட்டாட்சி அடித்தளங்களை வலுப்படுத்துவதில் மாநில முதல்வர்கள் மற்றும் கட்சித் தலைவர்கள் தீவிர பங்கேற்பு மிக முக்கியமானதாக விளங்கும் என்று ஸ்டாலின் குறிப்பிட்டுள்ளார். இந்த முயற்சி அரசியல் மற்றும் கட்சி வேறுபாடுகளுக்கு அப்பாற்பட்டு நிற்பதாகவும், ஒன்றாக நமது அரசியலமைப்பின் கூட்டாட்சி உணர்வைப் புதுப்பித்து, எதிர்கால சந்ததி யினருக்கு வலுவான, ஒன்றுபட்ட மற்றும் உண்மையான கூட்டாட்சி கொண்ட ஒரு ஒன்றி யத்தை வழங்குவோம் என்றும் நம்பிக்கையுடன் தனது கடிதத்தை முதலமைச்சர் ஸ்டாலின் நிறைவு செய்துள்ளார்.