தீக்கதிர் முக்கிய செய்திகள்

<p><strong>ஆம் ஆத்மி கட்சி</strong></p><p>தேர்தல் முறைகேடு, வாக்குத் திருட்டு மூலமாகவே வெற்றி பெற்றோம் என்பது பிரதமர் மோடிக்குத் தெளிவாகத் தெரியும்; இப்போது ஜனநாயகத்தை முற்றிலுமாக நசுக்கி, வாக்குத் திருட்டு மோசடியைப் பாதுகாப்பதிலேயே அவர் தீவிரமாக முனைப்புடன் இருக்கிறார். ஞானேஷ் பதவி விலக வேண்டும்; அதே போல மோடியும் பதவி விலக வேண்டும்.</p><p><br></p><p><strong>பெல்ஜியம் பொருளாதார அறிஞர் ஜீன் ட்ரீஸ்</strong></p><p>போராடுவதற்கான உரிமை ; ஒன்றுகூடுவதற்கான உரிமை ; நமது கருத்துக்களை வெளிப்படுத்துவதற்கான உரிமை ; வாக்களிப்பதற்கான உரிமை நாங்கள் ஒவ்வொரு நாட்டிலும் பாதுகாத்து வருகிறோம். இவை அனைத்தும் அடிப்படை ஜனநாயக உரிமைகள் ஆகும். இந்த அடிப்படை உரிமையை பாதுகாக்க எந்த நிலைக்கும் செல்வோம். அதனால் தில்லி போராட்டத்தில் இணைந்துள்ளேன்.</p><p><br></p><p><strong>ஆர்ஜேடி மூத்த தலைவர் மனோஜ் ஜா</strong></p><p>இந்திய ஜனநாயக வரலாற்றிலேயே அரசாங்கம் தனது சொந்த மக்களுக்கு எதிராகப் போராடிக் கொண்டிருப்பது இதுவே முதல் முறையாகும். கடந்த 40 ஆண்டுகளில், தில்லி இதுபோன்று முடங்கிப்போனதை நான் எப்போதுமே கண்டதில்லை. மோடி அரசு பதற்றத்தில் உள்ளது.</p><p><br></p><p><strong>திமுக நாடாளுமன்றக் குழு தலைவர் கனிமொழி</strong></p><p>45 மெட்ரோ நிலையங்களை மூடியும், 250க்கும் மேற்பட்ட ரயில்களை ரத்து செய்தும், இணையச் சேவையைத் துண்டித்தும், 25,000 பாதுகாப்புப் பணியா ளர்களைக் குவித்தும், அறிவிக்கப்படாத அவசரநிலைக் காலச் சூழலைப் போல தில்லியை ஒன்றிய அரசு மாற்றியுள்ளது. </p>