அலிகார் பல்கலைக்கழக மாணவர்களுக்கு ஜெ.என்.யு மாணவர் சங்கம் ஆதரவு!

<p>அலிகார் முஸ்லிம் பல்கலைக்கழக மாணவர் சங்கத் தேர்தலை மீண்டும் நடத்தக் கோரி போராட்டத்திற்கு ஜவஹர்லால் நேரு பல்கலைக்கழக மாணவர் சங்கம் ஆதரவு தெரிவித்துள்ளது.</p><p>அலிகார் முஸ்லிம் பல்கலைக்கழகத்தில் கடந்த கடந்த 2018-19 கல்வியாண்டிற்குப் பிறகு மாணவர் சங்கத் தேர்தல் நடத்தப்படவில்லை. இதனால் ஜனநாயக முறையில் மாணவர் பிரதிநிதித்துவம் மீண்டும் கொண்டுவரப்பட வேண்டும் என மாணவர்கள் வலியுறுத்துகின்றனர். கல்விச் சூழல் மற்றும் கட்டண உயர்வு: மாணவர் சங்கம் இல்லாததால் பல்கலைக்கழக நிர்வாகம் தன்னிச்சையாக முடிவுகளை எடுப்பதாகவும், கட்டண உயர்வு மற்றும் தனியார்மயமாக்கலுக்கு வழிவகுப்பதாகவும் மாணவர்கள் குற்றம்சாட்டுகின்றனர். இதை தொடர்ந்து, மாணவர் சங்கத் தேர்தலை மீண்டும் நடத்தக் கோரி, யாசிர் ஃபஹத் என்ற மாணவர் கடந்த 16 நாட்களுக்கு மேலாக உண்ணாவிரதப் போராட்டத்தில் ஈடுபட்டுள்ளார். இதில் இவரது உடல்நலம் நலிவடைந்துள்ளதால் பல்கலைக்கழக வளாகப் பகுதியில் பரபரப்பான சூழல் நிலவுகிறது.</p><p>இந்த நிலையில், அப்பல்கலைக்கழகத்திற்கு சென்று ஜெ.என்.யு மாணவர் சங்கத்தின் இணைச் செயலாளர் டேனிஷ் அலி தலைமையிலான ஆறு பேர் கொண்ட குழு, யாசிர் ஃபஹத்தைச் சந்தித்து போராட்டத்திற்கு ஆதரவு தெரிவித்தது.</p><p>மேலும், மாணவர் சங்கத் தேர்தல்களை மீண்டும் நடத்துவது மாணவர்களின் நியாயமான கோரிக்கை என்றும், ஒவ்வொரு பல்கலைக்கழகத்திலும் மாணவர்களின் குரலை வெளிப்படுத்த ஒரு சங்கம் அவசியமென்றும் டேனிஷ் அலி என அவர் தெரிவித்தார்.</p><p>அகில இந்திய மாணவர் சங்கம் (AISA) உட்பட பல அமைப்புகளும், பிற மாநில மாணவர் தலைவர்களும் இப்போராட்டத்திற்கு ஆதரவளித்து குரல் கொடுத்து வருகின்றனர்.</p><p>தற்போதைய நிலைமை பல்கலைக்கழக நிர்வாகம் மற்றும் காவல் துறையினர் பேச்சுவார்த்தை நடத்தினாலும், மாணவர் சங்கத் தேர்தலுக்கான அதிகாரப்பூர்வ தேதியை அறிவிக்கும் வரை போராட்டத்தைக் கைவிட மாட்டோம் என்பதில் மாணவர்கள் உறுதியாக உள்ளனர்.</p>