தேனி: கைதிகள் தப்பியோடிய விவகாரம் - 9 காவலர்கள் பணியிடை நீக்கம்!

<p>தேனி மாவட்ட சிறையிலிருந்து 17 கைதிகள் தப்பியோடிய விவகாரத்தில் காவலர்கள் 9 பேரை பணியிடை நீக்கம் செய்து சிறைத்துறை டிஜிபி சந்தீப் ராய் ரத்தோர் உத்தரவிட்டுள்ளார்.</p><p>தேனி மாவட்டம் ஆண்டிபட்டி அருகே தேக்கம்பட்டியில் உள்ள மாவட்ட சிறையில் இருந்து பல்வேறு வழக்குகளில் தொடர்புடைய 17 கைதிகள், காவலர்களின் பாதுகாப்பை மீறி நேற்று இரவு சுமார் 10.20 மணியளவில் சிறையில் இருந்து தப்பிச் சென்றுள்ள சம்பவம் அதிர்ச்சியை ஏற்படுத்தியுள்ளது.</p><p>இதை தொடர்ந்து, இந்த சம்பவம் தொடர்பாக 10க்கும் மேற்பட்ட தனிப்படைகள் அமைத்து தென் மண்டல ஐஜி விஜேந்திர பிதாரி தலைமையில் மதுரை, தேனி, திண்டுக்கல் உள்ளிட்ட பல்வேறு பகுதிகளில் தீவிர தேடுதல் வேட்டை நடைபெற்று வருகிறது. </p><p>இந்த சூழலில், விவகாரத்தில் காவலர்கள் 9 பேரை பணியிடை நீக்கம் செய்து சிறைத்துறை டிஜிபி சந்தீப் ராய் ரத்தோர் உத்தரவிட்டுள்ளார். தற்போது வரை, தப்பியோடிய 17 பேரில் 5 பேர் பிடிபட்ட நிலையில், 12 கைதிகளைத் தேடும் பணியில் காவல்துறையினர் ஈடுபட்டுள்ளனர்.</p><p><br></p><p><br></p>